Blásteinn er lítið hugbúnaðarhús sem hefur frá nóvember 2006 haft megin áherslu sína á þróun á vefumsjónarkerfinu Oliver. Kerfið er hugsað fyrir lítil fyrirtæki eða verslanir sem vilja ódýra og þægilega lausn. Blásteinn hefur þar að auki tekið að sér ýmis önnur verkefni tengd vefnum, sem og þróun hugbúnaðar fyrir Windows.

Hversvegna velja Oliver?

Oliver er útgefið á íslensku og Blásteinn gerir ekki kröfu um að viðskiptavinir þurfa að hýsa hjá okkur, enda erum við ekki með hýsingarþjónustu. Ekkert mánaðargjald né ársgjald af neinu tagi fylgir kerfinu, aðeins er um eitt verð að ræða og er það gefið upp við kaup á kerfinu.

Allir viðskiptavinir fá öryggisuppfærslur þeim að kostnaðarlausu á meðan kerfið er í notkun. Óski viðskiptavinur eftir breytingum er samið um þær sérstaklega, hvað varðar bæði tíma og verð.

Útlitshönnun / hýsing vefsíðna

Blásteinn hannar ekki útlit fyrir vefsíður né hýsir þær, enn við höfum gott samstarf við Nebonmedia sem er íslenskt fyrirtæki með starfsemi í Danmörku. Nebonmedia sérhæfir sig í margmiðlunarhönnun og heldur utan um hýsingarþjónustu fyrir viðskiptavini sína. Meðal þeirra vefsíðna sem Blásteinn og Nebonmedia hafa unnið í samstarfi eru 4home, Ljósin í bænum og Isländsk Ridkonst.